ثورة الزبالة. ::: بقلم الشاعر المبدع أ / عدنان خليفة

ثورة الزبالة.

قالوا بدنا نعمل ثورة
قلّتلهم ثورة عا شو؟
قالوا ثورة ضدّ السرقة
قلتلهم سرقوا منكم شو؟!

قالوا سرقوا الكرامة
سرقوا الحريّة منّا
قصموا الجبنة مثل القطط
و تركونا نعاني من الجوع

وقالوا مافي عنّا كهربا
وزبالتنا عالطريق

قلتلهم اللي بينسا بكرا
بكرا بيجيي وما بيفيق
بعد السكرة بتجي الفكرة
و بتبقى وحدك يا شريك

اللي بعتهم صوتك ركبوا
عا ضهرك و عا ضهر اولادك
باعواحقّك نسيوا إسمك
و البدعة استغنوا عن صوتك

هيدا منقذ الشيعة
هيدا زعيم السنّة
هيدا أرثوذكسي كبير
و هيدا الماروني الأمير
وهيد للأرمن دليل
و هيدا للشعب الفقير
و هيدا رمز المحرومين
و هيدا بطل المظلومين
هيدا رايح
هيدا جايي
و كلّهم سوقهم ماشي اسمالله
شي للناس و شي لألله
لكن المصيبه كبيرة
صاروا كلّ الزعما جوّا
ونحنا الشعب طلعنا برّه

نحنا صرنا شعب مفرّق
و باعونا بسعر الجمله
و كلّ القصّة صارت لعبة
أربعتعش ضدّ ثماني
و نحنا الجمهور الطبّيل
مصطول يزرّك للثاني

يا تارك درسك والفهم
سقوطك أبدا منّه ظلم
يا أعمى العصبيّة
ياللي صايردمّه رخيص
يا بايع صوتك بالقرش
روح لمّه عن الزباله...

عدنان خليفة
بيروت 1-9-2015