الـرحـيــل ::: بقلم الشاعر المبدع أ / إبراهيم بــدر

إبراهيم بدر

 

الرحيل 
زمان قالوا إن الهوا غلاب
ولومتيني بدون أسباب 
ودا ذنبي لأني فتحت قصاد
عينك حياتي كتاب 
وكان فكري هنفضل أحباب
شباب قلبي م عادش شباب
شباب قلبي في حبك شاب
ما بين نجوم في وسط الليل
ونسمة وقت الصبحية
وقمراية كانت ترقص لفرحتنا
وعصافير لغنا الكروان كانت
بتميل
ودرة مشوي على شط النيل
وعدوية كان يضرب لنا مواويل
وكلمة شوق ما تحتاج لأي دليل
صبح حبك في قلبي هزيل
وشمسك في سما قلبي آن
لأوانها الغياب
وصدقوا لما قالوا الهوا غلاب
ما عاد غلاب
انا اللي فيوم كنت دفى ليكي
وكنت الماية وقت ما كان لا في غيوم
ولا حتى سحاب
وكنت الكلمة اللي مكتومة في قلوب
الأحباب
وكنت ليكي لقصر الشوق انا البواب
بس طلع الهوا مش غلاب
طلع كداب
انا اللي بلوم اللوم لاجل الحب بيننا يدوم
انا اللي شيلت من قاموسك كلمة هموم
وكنت بقدفلك بقلبي وقت م عرفتيش العوم
بقيتي انتي اللي فرحانة وانا المهموم
وبعد دا كله بيقولوا الهوا ‫#‏غلاب‬
ابراهيم بدر