هو الحب يعنى ايه ::: بقلم المبدع الشاعر / محمد أبو المعاطي

هو الحب يعنى ايه


......................


هو الحب يعنى ايه


يعنى أكون عندك كل الناس


أكون عندك أول إحساس

مش بعد إسبوع

تعيطى بالدموع

و تقوليلى أمى و ابويا

و اختى و اخويا

و صاحبتى و جارتى ايناس

و ابص الاقى طابور

طويل عريض من الناس

و أنا فى أخره ماسك وناس

عشان اعرفك من وسط الناس

بالذمة دا حب يا ناس

و لا جواز من الأساس

من بعد ما كنت رقم واحد

ابص الاقى نفسى رقم عشرين

يعنى أجوزك فى شهر واحد

و اطلقك فى تشرين

بالذمة دا حب يا ناس

و لا جواز من الأساس

الحب يعنى أنا من بعد ربنا

مش بعد سنة ألاقيكى مزربنة

هو كده جوازنا و هو كده حبنا

هو كده رسولنا و هو كده ربنا

لا تزربنى و لا ازربن

لا تحربنى و لا احربن

لا تعربنى و لا اعربن

و كل واحد يعيش لحالو

و ان قولتى اطلق راح اقولك و مالو

و سلميلى على عمه و خالو

و على امه و كل جيرانو

و بالمرة سلميلى على أدريانو

............................................

محمد أبو المعاطى محمد