يـــا رب ::: بقلم الشاعر المبدع / صلاح الصغير

 

يارب


=====


مالناش غيرك يارب


تكشف عننا وتشيل كل كرب


وتعينا عالحياه وعلى كل صعب

وتغفر لناياربنا كلنا كل ذنب

مالناش غيرك يارب

___*****_____

تجمعنا بعد الشتات

وتحفنا بالرحمات

وترحم الاموات

مالناش غيرك يارب

____*****____

وتوب على القلوب

وتستر لينا العيوب

وتلطف فى المكتوب

مالناش غيرك يارب

____*****_____

تيسر لنا الارزاق

وتفرج اللى ضاق

وترزقنى بالاخلاق

مالناش غيرك يارب

____*****____

وتكرم والدينا

واللى له حق علينا

وتقر بالرضا عينينا

مالناش غيرك يارب

____****_____

وتحمى بلدنا مصر

وتحفظها من كل غدر

وتكتب علينا الستر

مالناش غيرك يارب

____*****_____

وتوحد المسلمين

وتجعلنا م الصالحين

وتنصر بينا الدين

مالناش غيرك يارب

___*****_____

وتجعل الجنه نصيبنا

وتصلى على حبيبنا

شفعينا طه وطبيبنا

مالناش غيرك يارب

_____****____

مالناش غيرك يارب

مالناش غيرك يارب

بقلم صلاح الصغير