بصيت جوه المرايه // بقلم الشاعر المتميز / عصام دويدار
صحيت الصبح بدري
بصيت جوه المرايه
لاقيت عمري بيجري
واخدني للنهايه
.........................
ملامح وشي مش هي
وكل يوم بتتغير
وبيدور الزمن بيا
يرجعني وأنا صغير
...........................
أحلامي وضحكتي تاهم
ودارت دنيتي عليهم
بسرح يمكن آلقاهم
أتاريني غريب فيهم
...........................
يا دنيا لفي بيا كمان
أنا راضي وأعمل إيه
بدور كل يوم في مكان
علي حلمي ومش بلاقيه
...................,..
لا الدنيا دي دنيتي
ولا حتى دي ضحكتي
أحلامي صبحت عدم
وهي دي قسمتي
.........
بقلم / عصام دويدار
المشاركات
0 التعليقات:
إرسال تعليق