صوت الخرس ::: بقلم الشاعر المبدع / محمد سالم

صوت الخرس
***********
إسألوا نفس التراب أد إيه الإنسان رِخِص
أد إيه الموت البطئ شبه الطوفان لو يوم نِقِص
تسأل قلوب فين الضمير تلقى الدموع بتقول خِلص

زمنك خلاص باع العذاب والكل داب والخوف فى شريانه إتحبس
وسط الدروب تلقى الطريق ضلام وضيق وتعيش معاك أزمه نَفس
فيها العلل فيها الملل فيها الشيطان اللى إتلبس

وتفوت عليك كل الفرص ويا العذاب تلقى الضباب واقف حرس
وعنيك تطوف وسط الضلام تشعر بخوف وتشتهى صوت الخرس
ومن سكات تلقى عليك الوقت فات والموت خلاص ضرب الجرس
محمد سالم