ذي الشمس ،،طالعه وشايفها :: بقلم الشاعرة المبدعة / فايزة البغدادي

ذي الشمس ،،طالعه وشايفها
كل الناس
شافها البصير بعينيه
وشافها الضرير في دفاه
ذي الشمس حبك
مكتوب على الجبين إسمك
وفي القلب كان رسمك

عينين حلوين و باقي الصوره
للتعديل ولا يوم إتعرف وصفك

كل صوره بشوفها يطابقها
تطلع ريتوشها مقصرين
ولا واحد جاب حسك

تشيل السنين فيا
توديني بلاد تانيه واتاريها
شيلالي في مكان تاني
نبيل فارس على حصانه
يندوه بإسمك

انا قلت مالي بيه
على حصانه مختال بذاته
وكأن ماجه على الأرض مثلك

بس كان عاجبني الحصان
وماشية الرهوان بتشدني
لوصلك

اطل على الحصان في اليوم كام
مره واكله السكر
مااعرف حصانك عاجبني
ولا العجب بيك نفسك

وأحلم على الحصان راكبه
وإنتت بلجامه ماسك
وتلف بيه الكون
عينك عليه بس الغرور ماسكك

وتشدني الأحلام وياك لأدام
في بلاد كتيره هناك بنلفها ونرجع
عابشين الكون بجنان
وبنبكي وبنضحك

وأتاريك ياجدع أوهام
وأنا عايشه في الاحلام
بصحى انا وبنام على
صوت همسك

وأحلف ميت يميين
هما دول العينين
عايشين معايا سنين
وكنت بدور عليك
يكتمل وصفك

وجيتلي على حصانك
ماسك بايدك صوره
حوليها ورد كتير
وسالتني ياأميره
دي وقعت منك

بصيت لها حيرانه
وضحكت ضحكتين
مكسوفه منك خجلانه
واودي وشي فين
والصوره كانت صورتك

مستحيه قولت
كانت تايهه مني ملامح
وجيت من بلاد بعيده
لبلاد فيها جيتلك

كملت الصوره والمعنى
والرسم كان رسمك
والاسم كان اسمك
ولقيت بيك كمل وصفك
وذي الشمس حبك
بحبك
‫#‏فايزه‬ البغدادي