حرخد :: بقلم المبدع أ / صلاح الصغير عطا

حرخد


.........................


نهايتى قربت وانت هتبدا حياتك


عيشها صح وحقق فيها زادك


انا كنت قبلك وجاه الدور عليك


ابنى وازرع الدنيا وإصنع مرادك


وماتمشيش فى سكه الندامه


السكه دى مش سكه سلامه


وصاحب الطيب وعيش راضى


وعيش بقلب طيب زى الحمامه


وحب بلدك وافديها خاف عليها


وان طلبت منك روحك اديها


اصل الوطن غالى وغالى قوى


ده حضن الوطن قمه فى معانيها


واحسن على المسكين واسعده


وعاهدك مع ربك دايما جدده


ولاتنسنيش ودايما ادعيلى


ده ياما كفى لقلبك هدهده
.


صلاح الصغير عطا