الوحدة :: بقلم الشاعر المبدع أ / إبراهيم بــدر

Ebrahim Badr

الوحدة

حرية على وطنية وشوية من القومية
يعنى ايه كل ده؟؟؟
علمونا في المدارس معنى ده 
قالوا فيه راجل عجوز جمع ولاده
وجاب لهم حزمة حطب وقالهم
مين اللي يقدر وحده يكسر كل ده
لأ...مش كده ولا كده
أيوة صحيح مش كدة
لازم نجمع جهدنا كلنا علشان نقدر نكسر كل ده
وكبرنا على أوهام
لقينا اللي بيحصل غير كدة
كل واحد مننا عامل أخوه كبش فدا
الكل فاكر إنه الوحيد راح يهرب م العدا
لأ مش كدة
اصحي يا أمة للندا
خليكي أمة موحدة
‫#‏متوحدة‬

بقلمي/إبراهيم بدر