قطر الممات ::: بقلم الشاعر المبدع / محمد سالم

Mohamed Salem

قطر الممات
***************
إشترى الخوف بالسكات وإرسم نقوش درب الأهات
تصرخ عليك الذكريات ويا اللى غايب واللى حاضر واللى مات
وتصارع الموت والزمن وتعيش سنين تدفع تمن كل اللى فات

وسيول دموع وصوت خشوع وإنتهى العٌمر ف ساعات
ومرايا فيها الوش غاب وكتاب عذاب مليان عظات
نفس الصِفات نفس العلل نفس الملل نفس الثبات

ويا السكات حلمك يموت والليل يفوت والأمنيات
وتغيب عليك شمس الحياه ويفوت عليك قطر الممات
تصبح سراب والليل ضباب ولا يبقى غير المُعجزات
محمد سالم