قلب شاعر ::::: بقلم الشاعر المبدع / رأفت يوسف

رافت يوسف

 ،،،،،،،،،،،،،،،،،،،،،،،،،قلب شاعر،،،،،،،،،،،،،،،،،،،،، بقلمي/ رافت يوسف
انا مش هاخلي الحزن يكسر خطوتي 

ولايسرق الحلم الي جوايا ورويته
في سكتي لو فجري
غطاه الضباب
ولا عمري هاسمح
للحروف لاي ظرف م الظروف
تجف من برد الشتا
وهاخلي ليلها من دفا
داحرفي هو دنيتي هو الصحاب
أنا أرضي أرض من ثبات
لو حتي شعري شاب
وبات جوايا قلب من شباب
هايرجع الحلم الي غاب
لسايا بحلم ليل نهار
وأنا في وسط الأنكسار
لو حلمي غاب
هاشوفه في ولادي الصغار ولا
هايطويني عذاب
لسايا قلب فيه عمار
يحمل سلام بالفعل مش بس كلام
لو حلمي غطاه الظلام
هافتح لفجره ألف باب
جوايا ساكن قلب شاعر
وحروف بتبحث عن مصير
وجسد يصحيه الضمير
وكلام يفوح منه العبير
أنا فعل مش وهم وسراب
هاستني حلمي من جديد
علي أرض واقف من حديد
لاحزن هاينسيني حلم
ولابرد هايدبلي حرف
مخلوط بدم
هاهرب بحرفي للسحاب
أنا عشت عمري بالحروف
ولاحلم هاستناه بخوف
أملي في يوم أني أشوف حبيبي
من بين الألوف وأمل بيحيي
شعر شاب
هو أحنا أيه غير حلم
ساكن في الضلوع
وعيون بنمسح بالامل فيها الدموع
والله لو حتي نجوع
بس الأمال تستني من غير أنسحاب
بأكتب حروفي من سنين
شاعر ومن جواه أنين
وبنيت حروفي من شموع
للحزن مش هرضي بخضوع
ولاحرفي علمته الرجوع
سكه أمل بدون إياب
عايش أيديا ممدودين
بالخير لكل الموجودين
وقلب ينبض بالحنين
فتحت بالشوق مدرسه
اليأس علي بابها اتنسي
في فصولها متسجل غياب
هأعيش شباب وهاموت شباب
طاير بحلمي واخدني حرفي للسحاب
في البحر مركب
للأمل جاهزه في طريقها للذهاب
،،،،،،،،،،،،،،،،بقلمي،/ رأفت يوسف