(قولي يابلدي) ،،، بقلم الشاعر المبدع أ / عبد الله السايح

…… (قولي يابلدي)……
عبد الله السايح
مصرغنية والا' فقيرة
والا' فى بند السرقة كفيلة
ياصداع راسي من الأكيله
وفساد قاسي ماجبنه له سيرة
خيرنا يواسي ويقول كاسي
شربه حرامي شربة مسيرة
حظي منيل ستين نيله
من الهليبة فضها سيرة
كله بينهب ومفيش حيره
نفسي فى مرة فى فرش حصيره
ياوﻻد بلدي ياسارقين ولدي
ياللي سمعتم أبله فضيله
إيه غيركم فين ضمايركم
ماتت والا' كفنها الغيره
كله بيسرق وبحرفيه
من البهوات للبوباتيه
قلنا عليهم يمكن مرضى
هيجي اليوم ومرضهم يهدا
ﻻ علاج نافع وﻻحنيه
مصر يانيل ياأرض ياميه
إنت فقيرة والا' قوية
قولي ياغالية وهامتك عالية
نفتري ليه ونقول فقريه
كله يبرر للحراميه
تدفع تاخد تدفع تعمل
رشوة وصبحت أخدها غية
وسع وسع درجه مدردح
ﻻزم ترمي لقمة هنية
وان مافهمتش إفهم صحح
يطلب منك أغلى هديه
كل مصالح بلدي بتدبح
أهلها لو عاملين اغبيه
كل موظف حظه بيسمح
يمسك منصب فى العملية
فاسد فاسد للصبحيه
لأ ويقولوا عليكي فقريه
وانت ياغالية برغم السرقة
عايشه بجرحك لسه قوية
ويسبوكي ويلعنو ابوكي
وإنت بتعطي لهوه وهيه
بس أمانة تقولي يابلدي
إنت مريضه والا' قوية
……… (شعر)……… .
. عبد الله السايح
13/9/2015