أشباه الرجال ::: بقلم الشاعر المبدع / محمد سالم

أشباه الرجال
*********************
فى الحقيقة والخيال والمُتاح ولا المُحال
واللى خانوا واللى هانوا واللى أشباه الرجال
واللى صوت العار حليفهم واللى غرقوا ف الضلال

قُولنا وَهم وقالوا صبر قُولنا نحلم رسموا قبر
قُولنا دارنا وأرضنا زرعوا شوك وضلام وقهر
قُولنا خير مكتوب لنا بعدوا بينا ألف شهر

عيشنا ليل وسواد وويل وخنقنا مشوارنا الطويل
عيشنا نبكى على اللى مات وإبتدينا فى العويل
عيشنا نحلم بالوجود رافض يعود فى زمان بخيل

ودارينا توبنا بالعلل وإبتدت أزمه ملل وإنتهى فينا الأمل
وإبتدينا نقول ظروف ووسط خوف لسانا يهزى بالجُمل
شب الطوفان ضاع الحنان والمر أصبح فى العسل

أزمه مكان والموت ضمان للى يفكر فى الكسل
اللى إتنفى واللى إختفى واللى إنضرب بيه المثل
اللى إشتهر واللى إتقهر واللى من ناسه إتعزل
محمد سالم