انتظرتك ::: بقلم الشاعرة المبدعة / رضا عبد الوهاب
انتظرتك والوقت فات
والليالى فردت نجومها
فوق جبين الذكريات
انتظرتك عمرى كله
بالدقيقة وبالساعات
لحد ماقلبى انفطروانكسر
زى عصفورة حزينة
طايرة من غير جناحات
انتظرتك والحنين ساكن
ضلوعى والدموع عاشقة
عيونى راسمة جوّايا
الألم والبكا جوّايا....بات
انتظرتك والموانى شاهدة
على الفجراللى مولود
بين ايديا والشوارع والحارات
كل خطوة أمشيهالازم أفتكر
لحظة لقانا واشتياقنا
لبعضناوافتكركل اللى فات
انتظرتك والانتظارطعمه
مرارفى الحلق وحيرة
دايما"تتولدوسط الطريق
مليان آهات انتظرتك
شوف عمرى كله أدايه
وأنا بنتظروأدايه عاشت
بشر ويامامات النهاردة
راح أنتفض مش هنتظر
لحظة ثبات كل دم بترتوى
بيه الحجارة تصبح
قنابل لأبارود بتردفيهاالروح
زى طفل بيتولدوبايده
يصنع معجزات كل طفل
بيندفن جوّاياشريان للحياة
يسقى كل العطشانين
تحت التراب من جديديحتيوا
فى صورة حجارة تنحدف على
أدنى أدنى المخلوقات
ايه يابطل قوم انتفض ويّايّا
واوعى تنتظرمن أدايه وأنا
سامعة صوتك بعتذرماتخامش
مش راح تنهزم راح تنتصر
والظلم لازم ينكسر بحق رب
السموات ياقدس اوعى تسلمى
راح تسلمى يامهد عيسى ومريم
فوق قبتك اتشرعت الصلوات
راح ننتصرومعاياابنى بخطوته
وفى ايده ماسك لهيب ونار أخد
القراروحلف مايرجع
الا ومعاه الشرف والاعتبار
والقدس تفضل مسلمة حتى الممات
ثبت جذورك فوق كتافى .
حررضفافى اجرى وعافرفوق صخور
المستحيل داالأرض عرض وشرف
جيل يهديه لجيل نصر ورايات
(قصيدة انتظرتك)
المشاركات
0 التعليقات:
إرسال تعليق