جرح العمر . $$ للشاعر المبدع / إبراهيم بدر

جرح العمر ....
دا مش بيطيب
حتى ولو
طاب يبقى معلم
مهما تداوي 
ف جرح حبيبك
هتعيش بيه
دايما متألم ...!!
جرح قاسي
وماله طبيب
يصرخ ......
ولا يوم كان يتكلم
لو هتعيش
العمر بحاله
من غير حب
اياك تتندم ....!!
أصل الحب
ساعات بيغلب
ويخلي
الأفواه تتكمم....!!
شفت ف مرة
يوم عصفور
كان... نفسه
ان الكون م يضلم...!!
وبيحلم يبني
كمان عشه......
وبعصفورته
كان بيتمتم....!!
العصفورة
لافت على غيره
مات الحلم
ولا عادش بيحلم...!!

إبراهيم بدر عبدالله