مُهـاجــر $$ للشاعر المتميز أ / حسام عماره

 مهاجر
مهاجر وفايت بلاده
وتحت جناحه شايل ولاده
قال هودعك يا بلادي
وهأنسى الحنين للماضي 
اللى قلبه فيه بات موجوع 
سهران من غير شموع
بعيون حزينه بتنزف دموع
تبكي ع اللى راح وملوش رجوع
بتصرخ بصوت عالي مسموع
على قلب مات رافض خضوع
مهاجر لمكان عتمه ميعرفوش
نفسه ينسى كل الوشوش
اللى بقناع الغش مبيرحموش
مهاجر زى طير حزين
يطوف البلاد ويلف سنين
فاقد أحساسه بالحنين
يمكن يوم يرجع لناسه
يعرفوا قيمة حبه وأخلاصه
ويرجع له حنين وأحساسه
بقلم حسام عماره