كنتى فين $$ للشاعر المبدع أ / محمد كشك

Mohamed Keshk

 

كنتى فين
..............

لسه فاكره
تسألى عنى انهارده 
وكل همسه
ندت عليكى وكنتى ناسيه
كنتى فين
لما شوقى عذبه الم السنين
كنتى فين
لما قلبى والبكا منه قريب
لسه فاكره
لما صوتى كان صداه دايما حزين
لما الرسايل شفتها جنب الطريق
كنت فين
جايه تانى من بعيد
تسالى فين مكانك القريب
اوعى تفتكرى انهارده
اللى فات كله حنين
او ساعاتى فى البعاد
كانت معايا شئ سعيد
كنت فاكر
ان اللى بعدك سفر حزين
او خصام قلته عتاب
سابنى وحيد
لا يا عمرى
قصدى ياللى كنتى زمان عمرى
اصل دمعك
عمره تانى ماهيبقى من الايام همى
او سؤال كداب
تحلفى ان انتى فى الاحلام منى
من النهارده القمر
نوره هيضوى للغريب
والزهور الوانها هتحلى للبريء
@@@@@@@
بقلمى
محمد كشك