‫‏جَفَّ_النَّبضُ‬ :::: بقلم الشاعر المتميز والمبدع / الصافي أبو عمار

‫‏جَفَّ_النَّبضُ‬

هدي شويه اللعب معايا
واعرفي قبله سبب قسايا
طافح الكوته وقوتى معايا 
ولا نجماية اتضوي بحضن سمايا
اصل هيامي
سر غرامي
سكنتى ميامي
اهو وسيباني ... لوحدي اعد خطايا
..
كنتي اتقولي السكه منين ؟
لجل ما طيفي يزور احلامك
لامح حيره
ف سطر كلامك
انا قدامك
مش خدامك قلبك دا اللي اتطاوعيه
صابره عليه
رغم البعد الناشب ضفره
ف عضم غرامك
..
ماشي يا دنيا
معاك انا ماشى
لامم حرفي
ف جيب كراسى
فارد بوحي
شراع مكسور
لكن السور
ساجن قلبي
وسجنى الدايم
ضلع اتخلي عنها عضامي
..
ليك كمان راح اقول من تانى
آخرة صبرك جات بفشوش
حبك دا الجاي مبحبوش
حبي خلاص بدرته سنابل
ياريته يكفى ومظنوش
حبي ف وش عداي قنابل
..
حبك حبك مهما اتحبك حبك صار مغشوش
..
ليها حبست الحب ف قمقم
صار كالمارد
لسه بطارد
بعض جيوش الشوق بخفوق
لسه بعافر وانا مخنوق
كل ما اقول لهواك انا كاره
اعرفي انه رماني الشوق ..محقوق
..
مين ؟؟
مين من غيرك
يترجم كل كلامى
يقري النبض الساكت فيَّه
مين يا بهيه ؟
مين دي ال .. غيرك ؟؟
كل قصايد الشعر الصافى
لجل عيونها هي مرويه
..
خايف اكون قصّرت اليوم
غرقان فيك وناسي العوم
مع ايامى ومع لهوم
جايز اكون يوم قصّرت
جايز اكون يوم فسرت
همس دلالك ويا جمالك
غلّاك بالغصب
ما انت العارفه غشيم الحب
لو يوم قلبه ف لحظه يطب
يملك كل الدنيا بأيده
يحكم يأمر
واما يهرب منه حبيه
ياويله ..ياويله .. ويادي الغلب
..
كف بكف
لمست الكف
لقيته اتكف
طب ليه يعنى
ياأم الكف اللامس نبضي
اقول واتخبي
واما اتطبي
بحري الصاقي
ألقاه جف
ألقاه جف
_______
‫#‏الصافى‬ 
‫#‏جف_النبض‬