من سكات ،، شعر الرائعة / فاطمة العشري
يومها قالي يلا نبعد
يلا نهرب من سكات
في ما بينا ألف سد
والطريق مليان آهات
قلبي خاف يومها بجد
وانشغل بالي ساعات
لو هربت معاه أكيد
راح يقولوا كتير حاجات
قولتله مقدرش أبعد
قالي يبقي الحب مات
سابني وحدي عالحدود
قلبي مليان بحكايات
والسنين بتعد عد
وحدي ببكي عاللي فات
قلبي بعده إتهد هد
عشت حاله من الثبات
في ما بينا ألف حد
والسبب هو السكات
المشاركات
0 التعليقات:
إرسال تعليق