.( عمري ما انسى ).. بقلم الشاعر المبدع أ / رأفت يوسف

رافت يوسف

 .............................( عمري ما انسى )..............................بقلمي/ رأفت يوسف

قولي أنام ازاي وانسي .........
وانتي روحك جنبي لسه 

 روحي  حاسه وانتي ملكاني بكياني .................
أحتلالك كل ذاتي وامتلاكك ذكرياتي
سنين حياتي وأنا جنبك كل اهلي منسياني...............
وبجحافل صوت صهيل كلمات ايديكي
كل لحظه كل ثانيه أبص فيها مفكراني .............
كل شئ فيكي ملازمني
عشقي ليكي سنين دايماً حاملني
والحنين ليكي ناداني ...................
صوتي صوتك عيني عينك
حتي وقت ساعات سكوتك
برضه سامعك في كلامي ........
إحتلال لروح في جسمي بالكلام
وجيوش حنينك
اللي ملكت قلبي واحتلت ميداني ..........
كل ليله يزورني طيفك
يقولي أصحي أوعي تنسي
كل ما افتكرك تملي مسهراني ............
أنسي كل الناس بحالها
حبي ليكي بطول جبال الارض وبحورها
ورمالها كل ليله مونساني ................
يبقي أنام ازاي وأنسي
وقلبي فاكر كل همسه وكل لمسه
ياللي في عشقك تملي مجنناني .............
روح تزورني في عز ليلي
في ثانيه يجري ويقابلها صوت حنيني
روحك أنتي مدوباني............................
عيني ماتغفل تملي قاعده صاحيه
وابقي فاكرك لما بالذكري تهلي
كل ليله مصحياني ...................
حرف حرف وكلمه كلمه
أفتكرها كل بسمه وضحكه
في الذكري شايلها
في الليالي متوهاني ...................
بابقي فاكرك مش ناسيكي
يبقي أمتي هنام وأنا فاكر عنيكي
والشجن اللي ملااني ................
خلي بالك مني دايماً
في منامك ببقي صاحي في عز ليلي
ايام عشانك لسه حاضنك بحناني ...........
،،،،،،،،،،،،،،،،،،،،،،،،،،،،،،،،،،،،،،،،بقلمي/ رافت يوسف
29/8/2015