فاكر زمانك يا جدتي ::: شعر بقلم المبدع / رأفت يوسف

رافت يوسف

 .......................( فاكرك زمان يا جدتي ) .......................... بقلمي / رأفت يوسف

فاكرك سنيني كلها

فاكر شموعك اللي قدتيها لنا

فاكر محبه جدتي أيام ماكنا صغيرين

بكل حب تضمنا

وعوضت امي اللي ماتت

والموت أخدها مننا

فاكرك ياجده بكل خير

ياقلب صافي كقلب طير

فاكر زمانك عوضتي فينا

يتمنا سقتينا من نبع

حنانك ........................

الشعر الابيض فوق جبينك

تملي فاكره

والوجه وجه ملاك

بالخير أنا اللي عمري ذاكره

نضاره كنتي بتلبسيها

من فوق عنيكي

نظره أمل كنت باشوفها

ودموع ما تنزل

خوفك حابسها تملي فيكي

ولا هانسي لمسه من حنان

علي شعري تلمسها ايديكي

قلبي سنينه بحالها شالك

لسه بيحفظ في الفؤاد

جواه مكانك .................

كأني عمري بحاله شايفك

فاكر ملامحك

واللمه لما يحل ليل

تسقينا من علمك وفرحك

فاكرك شموخ ، فاكر مع اخواتي الصغار

لمحبتك ومجلسك كنا نروح

وتفتحي لينا كتاب تحكلنا قصه

قبل نومنا لساكي روح

دايماً بنفتكر اللي كان حنيتك أيام زمان

راح فين حنانك أيام زمانك ..................

كبرنا والذكري معانا

وأنا بافتكر أختي اللي جنبك

شايله العروسه حاضنها ودك

وبتستمع ، وأنا برضه منك

ضمانا دايماً بالحنان

وكبرنا وبيروينا حضنك

عدت سنين وأنا لسه فاكرك

طرح الحنان لسه معلم بين ضلوعنا

لساه بيرسم الأمل من فوق ربوعنا

كل الحنان اللي في وصالك

مخلوق عشانك ..............

زمنك جميل ياجدتي

طيفك ملازم غربتي

في الصوره شايفك من بعيد

حلم ونسيم يملي عليا وحدتي

شايفك ياست الطيبين

شايف حنان حملاه أيدين

وطيبه ساكنه ع الجبين

حاملين جميلك بالسنين

فاكرين وجودك وسطنا

فاكرين حنانك

داعيين بحب لربنا

في يوم سؤالك .................

..................................... بقلمي/ رأفت يوسف