قدر - - ولقاء ::: بقلم الشاعر المبدع أ / حمدى عودة

======= قدر - - ولقاء ========
بص للدمعة في عنيها 
قلبه اتحسر عليها 
مد ايده لإيديها
وقلبه موجوع عليها
نفسه يمسح دمعتها
برموش عينيه
أو يرتشفها بشفتيه
بس القدر فرقهم
وأصبح حائل حياتهم
والقدر ها يقول له إيه
فضل واقف قصادها
واتخشبت رجليه
صال وجال بخياله
طلعت صرخة من قلبه
بكى على حاله
ودموعه حجبت صورتها
وسالت على خديه
ومن بين دموعه خيالها
كقمر وخسوف عليه
سمع بقلبه خطوتها
جايه بحنيه عليه
فرد ايديه يعانقها
في الهوا حضنت ايديه
مسح بايده دمعته
فاق من غفلته
شافها بعيييييييد.. ترنو عليه
وقلبه ملهوف عليها
نفسه يجري إليها
روحه مشًعلقه فيها
بس القدر حاله
مسك روحه بايده
والقدر بنؤمن بيه
============ بقلمي / حمدى عودة