أخر الليل :: بقلم الشاعر / صلاح الصغير

صلاح الصغير

أخر الليل
♣♣♣♣♣♣♣♣
يا اللى عمرى كله ليك
يجي الليل أناجى عينيك
وتتأخر وتتاخر ولا تجينى
وأخر الليل أهوجس بيك
مش لاقى كلام أقوله
باين مافيش إحساس
سهران الليل بطوله
وضى القمر وناس
بدور على جمله واحده
طاله حروف الوحده
جرت معانى الخوف
والدمعه فى الشده
رمانى الألم فى الكاس
رفعت راسى وأنا ناسى
لقيت الندى ملا كاسى
وعدى الوقت ومافيش جمله
غير الأنين من نبع إحساسى
يا اللى فارقت القلب ومشيت
ليه بعد الحنان نسيت وأسيت
والفرح فاتنى وعاندنى زمن
ومن بعدك ماجالى عند البيت
وأنا اللى كنت بتباهى بشعرى
جف حبر الغرام من نهرى
صعبان عليا أنا وأنت بقى فينك
أمانه عليك تعود ليا ياعمرى