(كنت بحبك) ،، بقلم الشاعر المبدع / محمود ابو الوفا

(كنت بحبك)

كنت بحبك بجد…….. مش حب يعدي وقت
ولا اعجاب والسلام
أنا قلبي بيكِ حس…… ولمستي روحي لمس
كان حب ومش كلام
ياخساره ف حبي فرطتي…. بسهوله وبعتي فيه
لو كنتِ لحبي قدرتي…… كان عمرك ماتسيبيه
بس هقولك ايه .ودا قلبك
خدي بالك منه ومن نفسك
عمري ماهتمناكي ف حبك
تحسي اللي بحس بيه

كنتِ بالنسبالي انا اكتر

من اني انا فيكي بفكر
كنتِ الدنيا وكنت لو اقدر
اعيشها معاكي بس
بس انتِ اللي اختارتي فراقي
ولا حسيتي يوم اشواقي
ولساكي بطلة اوراقي
وكلامي ليكي بس
وزي ماحبيتك وهسببك
وعارف عمري ماكنت حبيبك
بتمنالك حب يصيبك
مايصيبك بالألام
كنت بحبك بجد….. مش حب يعد وقت
ولا اعجاب والسلام

بقلمي… محمود ابوالوفا
السهم السهم