(علمنى انساك) ،،، بقلم الشاعر المبدع أ / محمود أبوالوفا

(علمنى انساك)
علمتنى ف الدنيا كتير
علمتنى ازاى أهواك
علمتنى أشتاق واغير
حتى الحلم احلمه وياك
علمتنى مهما بتجرحنى
أنسى واسامح لوتدبحنى
أرجوك لو هتودع علمنى...........

علمنى ازاي أنساك

علمتنى نتحدى الدنيا
وانت معايا كانت حاجه تانيه
عمرى ماخفت ف حضنك ثانيه
بس بموت م الخوف م الجاى
علمتنى ع الناس انا اخبى
جرحى والمى وحزنى ف قلبى
أضحك حت وقلبى بيبكى
قولى عليا هاخبى أزاى

علمتنى من غير ما تفكر
لو سيبتنى ع البعد انا هأقدر
قربك حلو وزى السكر
بس البعد أنا مش عرفاه
علمتنى وانت ف أحضانى
أحلم واسرح وانسى زمانى
طعم الشهد أهو على لسانى
علمنى ف بعدك أنساه
علمنى ف بعدك انساه...
بقلمى..محمود ابوالوفا
السهم المكسور