ياللى زرعت الجفا ::::: للشاعر المبدع أ / : محمد ضباشه

ياللى زرعت الجفا
للشاعر : محمد ضباشه

ياللى زرعت الجفا
قولى هتحصد أيه ؟
معقول يكون الصفا
جنبك وحاسس بيه
بحر الجفا هياخدك
وهتكمل الطريق بعنيه
لاشايف حد بيحبك
ولا أنت ساكن فيه
عدم سؤالك عليه
بكى عيون قلبى
وخلا حبل الوداد
قطع وصال حبى
وبكت ساعات ليلى
وبتشكى للنجوم همى
وقلبى يقولى كفاية
قومى بقى وسمى
وصلى ركعتين لله
وكل أيامه عديهم
وقطعى كل رسايلة
وفى بحر جفاه وأرميهم
ولفى عقارب ساعاتك
وخلى نهارنا يبان
علشان نشوف الشمس
بقلب كله أمان
يسأل علينا فى يوم
وما نحس منه جفاه
ويعدى بقطار حبه
نقوله ياخدنا معاه