هو أنت فاكر ::: بقلم الشاعر المبدع أ / محمد ضباشه

هو أنت فاكر
محمد ضباشه

أنت فاكر لما تجرحنى
هجيلك أنا وأدور عليك
ما كفاية كلام بيدبحنى
أنا وقلبى بين ايديك
طب خلى العشرة تتكلم
طب قول للقلب يتعلم
ياراجل فوق ولو مره
وتعالى للعيون سلم
طبطب على قلبى لو
حتى كنت .... غلطانه
خدنى فى حضنك ما
أنا لوحدى .... وزهقانة
بهمس الحب كلمنى يا
قلبى ياما راح فى هواك
وحس باللى جوايا دا
أنا هجرت نفسى معاك
وزعت راحتى فى أرضك
وصبرت كتير على مأساك
وفى الاخر بتجرحنى
طب قولى وفهمنى
أنا اعمل أيه وياك