هكذا علمتنى الغربه ::: بقلم الشاعر المبدع أ / صلاح الصغير
هكذا علمتنى الغربه
.................
من كتر السفر والترحال كترت مرآسينا
وجمعنا من سنين غربتنا أحزانا ومآسينا
واللى يشوفنا يلاقينا بنضحك رغم الجراح
وفاكرينهم بس مين لمرار الغربه ينسينا
..................................................
ومين يقدر يملا قلوبنا بالفرح يوم يوآسينا
نوبه ضحكنا فى الغربه على لمة كراسينا
جالنا الزمان يفكرنا بالعمر اللى منا راح
ومر الوقت بالمر ونار الحر عالجمر تسو ينا
..........................................................
والغربه كربه وعالتربه ماحد جاى يعزينا
وغيابنا عن أهلنا وكلنا اصبحنا كما الزينه
والأبن يكبر ويسأل عالأب يقولوله سواح
والبنت يجيلها العدل ويوم الفرح حزينه
.......................................................
والأم ماتت وولدها متغرب ياخد العزا فيها
والغربه تاخد وتاخد وحتى الروح ماتكفيها
نهار الغربه ياناس دباح وليلها بكا ونواح
وفى الحلق نار ومرار وقلوب ربنا يعافيها
.......................................................
والغربه كربه وعالتربه ماحد جاى يعزينا
بقلم صلاح الصغير 2007
المشاركات
0 التعليقات:
إرسال تعليق