يا ناس حلال ده ولا حرام $$ بقلم الشاعر المبدع أ / حسن الشوان

 

........... يا ناس حلال ده ولا حرام .........
 ..............................................
يا ناس حلال ده ولا حرام
لما تتحرم علي الفقـــير
وظائف موروثة بلأرقــام
ولا يكون له صوت و نفير
مش كفاية ضنا الأيــام
كمان يعيش محروم سكير
ميتقدمش خطوة لقدام
حتي لو إبنه جاب تقدير
يحاسب من ضي الأحلام
سراب ووهم وشخيير
وطلوع الجبل أوهام
خليه عايش في الجرجير
ومايمدش رجليه قدام
لا يعيش عمره مكسور
لا ليه قيمة ولا أي مقام
عدالتنا رسمها رســام
جاه وسلطة وتوقــــير
أهلا وسهلا يعيش خدام
وأوعة يفكر يكون وزير
أو يكون في يوم عوام
لا ح يبقي قاضي أو سفير
أو في أيديه أي زمام
ممكن يكون ضابط مغمور
وكفايه عليه يعيش وينام
أخر أحلامه يكون مدير
منزوع الصلاحية والكلام
ولا يفكر يكون دبـــور
لا تكون حياته كلها ظلام
ولا يلقا في يوم ضي نور
ولا فرشـه عليـها يــنام
.....................................................................
............. إحساس الشاعر / حسـن الـشـوان .................