(التجاعيد بتقول لك طوف) ،، بقلم الشاعر المبدع أ / وحيد راغب
(التجاعيد بتقول لك طوف)
بص ف وشى
واقرا الطالع
وانده ذاتك
من ورا روحك
واركب صهوة سلم طالع
زهرة نرد بتبلع أملك
والمرجيحة بتصنع
رعشة وآهة وحال
فتت غنوة ف صدر الناى
والموال
صرخة بصرخة
وشهقة بشهقة
وصورة اتخنقت جوا الحال
دقق شوف
التجاعيد بتقول لك طوف
قبل أوان التفاح يخلص
ونور الصبح
يفاجأه الليل
درب التأويل عمره
طويل
سطر واعمل هامش يمكن
تحتاج تضرب 5ْ ف7
وترجع تحسب نفس الشهقة
بقسمة حب
عرِّج فوق م الزفرة وطب
البرنامج بعد الواحدة ونص
قص كلام بيعض الواقع
كم ف ايديك من كم أشاجع
حسَّت ضعف الصرخة
وطولها
كان أسطولها ادَّمر ياما
بحر أوباما نار بتولع
كان ف خطابه
نبرة ضلمة
وكِبر مخلع
بص ف وشى
تلاقى دافنشى بارسم فيه
الشاعر وحيد راغب
المشاركات
0 التعليقات:
إرسال تعليق