دموع البنت $$ بقلم الشاعر المبدع أ / عبد العزيز درويش‬

دموع البنت

دموع البنت يا ساده
مهياشى دموع تماسيح
ألم جواها كالعاده 
محير قلب لسه جريح
دموع البنت يا ساده دموع معاناه
تنزل ع الخدود تكوى
ولا بتلاقى حنيه
ولا بتلاقى يوم مواساه
دموع البنت يا ساده بتشرح معنى كلمة آه
عشان قلبها حنين بيكشف كل شىء جواه
عشان قلبها حنين
ودايما يحكى ويبين
شوق وذؤق وحنيه ويكفى انه قلب صريح
دموع البنت يا ساده مهياشى دموع تماسيح
------------------
دموع البنت لايمكن هتنسى الأم
وحضنها اللى كان بيضم
وخير ف البيت وكان بيعم
كانت تعملها فطيره
وقصه وبعدها دفيره
تاخدها جوه احضانها
وتحكى عشانها حدوته
عشان لساها بنوته
تغنى عشانها أمورتى( غنوة صباح )
وتحكيلها كمان روايات
وغنوة نانسى...يابنات
دموع البنت يا ساده
مكتوبه كما الحكايات.
-----------
دموع البنت يا ساده بتحكيلى عشان اكتب
دموع البنت يا ساده مبتعرفش تترتب
خلاص هكتب واغنيلها
م هى منى وانا منها
هنسيها مرار الحزن جواها
عشان واحد عرف غيرها وقرر انه ينساها
هعوضها عن الحرمان
وأخرجها من الأحزان
وأكمل عمرى وياها
عشان أكون معاكوا صريح
دموع البنت مهياشى دموع تماسيح. 
‫#‏عبدالعزيزدرويش‬