انا اللى يا مصر حبيتك $$ بقلم الشاعر / فهمى على

انا اللى رميت حمول عمرك 
على ضهرى و متغاضى 
انا اللى عشقت لون حلمك
مع انه صبح ماضىى
انا اللى تملى باسمعلك 
ما قلتش يوم مانيش فاضى
انا اللى قلبى صبرته
على ظلمك و عاش راضى
انا اللى يا مصر حبيتك
و قلت كتافى من خيرك
و شيلت همومك القاسية
فليه عاملة كدا ناسية
و انا ما يوم هويت غيرك
دا انا .... طيرك
و عشى فوق غصون شجرك
و باحلفبك و انا صادق
انا يا مصر لون قلبك
دا انا حابك
دا انا عاشق
فخفى الضرب على حلمى
و حاولى مرة تشوفينى
و بصى عليا فى شتاكى
دا انا نظرة تدفينى
مانيش طمعان اكون فيكى
سوا نبضة
فى يوم اسمعها من قلبك
و كلمة طيبة منك
اعيش بيها الحياة جنبك
فهمى على