توهان يا غربة $$ بقلم الشاعر المبدع أ / صــلاح القناوي

صلاح القناوى

 

‫#‏توهان‬ ‫#‏ياغربه‬

..............

1000ميت مليون سؤال

فين الحبايب

والفرح اللى غايب

راحت فين ليالى زمان

طب راح فين الأمان

1000دمعه ع الخدود

ليه مابينا كان حدود

ومهما نبكى

ومهمانشكى

ايه راح يفيد

ايه الجديد

خلاص تعبنا

وراح شبابنا

وغول بياكل عمرنا

فى غربه تحنى ضهرنا

والسلام قايد نيران

ونظرة حسره وتوهان

وإمتى نرجع

ولما نرجع

بنعد الساعات

للميعاد

باقى كام م الأجازة

مقابلات ماليها عازة

هو احنا مش من ضمن البشر

واللى بين الناس وانتشر

المغترب بنك وماشى

وكلمه مابتخفاشى

شوفوا عمل ايه وسوى

وكل ده والله مايسوى

ولا اى كلام فارق

زى ماترجع

او فى الغربه تسمع

ان ليك حبيب وفارق

وانت ماتاخد عزاه

ويبقى عمرك ده جزاه

انك تموت فى قلب تربه

اسمها غربه

فى 1000ميت مليون سؤال

.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

.......؟؟؟؟؟؟؟؟؟؟؟؟؟؟.......

...........؟؟؟؟؟؟............

‫#‏صلاح‬ الصغير القناوى