( أزمة أخلاق ) ،، بقلم الشاعر المبدع أ / مبروك علوه

( أزمة أخلاق )

غلبان خرج من بيته
رامي تكاله على الرزاق
نزل السوق يجيب طلباته
والناس معندهاش أخلاق

يلاق هريدي ماسك فى ابوزيد
علشان بيبيع عنه كتير
سوق زحمه مليان بالشر
ضاعت الرحمه ومات الضمير

وازاي ابوزيد يسيب حقه
جرى جاب أهله وناسه
قامت خناقه بين العلتين
والشيطان راكب راسه

فى قلب السوق بين الناس
أبوزيد بيضرب في هريدي
هريدي ماسك في ايده سلاح
وضرب بين الناس ياسيدي

موت بيه ٤ غلابه
وسط السوق كانوا ماشين
وبدل ما يرجعوا بالطلبات
راجعو لبيوتهم مقتولين

السوق أتلم من كتر الدم
وسمعت صريخ وعلت الاصوات
علشان طمعهم فى الفلوس
الغلبان بسبابهم مات

قامت البلد على إيد بعض
عايزين يخدو حق اللي مات
ولعو البيت وعم الخراب
والقلوب اتملت آهات

ومحدش عارف يطلع من بيته
وصار الخراب والدمار
وفجرو مستودع غاز
من الغضب بقت إعصار

هريدي هرب من البلد
وساب الدار
وبعمله عاش أهل البلد
فى عذاب ومرار

لو كل واحد يعرف إنه
رزقه موجود بين الارزاق
عارفين حصل كل دا ليه
علشان ضاعت منا الاخلاق

..................................؛

مبروك علوه