دبت النار ،، بقلم الشاعر المبدع أ / رجب الشيمي

دبت النار

فى الهيش

شالت وش الجدع

قالوا اللى

يروح ما يجيش

زى الميه ما تندلق

واللى

يبيع ما يشتريش

وﻻ بيهمه قلب اتوجع

سكتوا

الغﻻبة اكلوا عيش

برد الدم فى النغاشيش

الجنين فى بطن أمه اتفزع

أب صايص ما معهوش

والهدمة دايبة بتتمزع

حكومة راعية للكروش

مليانة ايه غير الجشع

شالوا برقع الحيا

عروا الوشوش

قالو ثورة وطلعت فشوش

اﻻرض بارت ما بننزرع

ظلم مادد فى العروش

مابينتهيش

القلب بكى والعيبن دمع