خمسه سياسه ::: بقلم الشاعر المبدع / عصام دويدار

Essam Dwedar

خمسه سياسه

..................................

بعين شايفه طريق الظلم

وروح تايهه ف كبوس مش حلم

وعقل شباب لكنه ف سجن

بسأل روحي الف سؤال

ازي الحال .............................

وايه الفايده لو عملولنا

برلمنات ..............................

مادومنا في الاساس أحزاب

وكل حزب مصلحته اهم كتير

من الاحزاب...........................

وطول اليوم فلان كداب.........

بلاش صاحبك عشان اخوان

ولو تظهر عقول شابه

تلاقي اشاعه في التلفاز

تحديف طوب كبريت مع جاز

يخلوا الشاب علي العكاز

عجوز العقل لو فكر بفكر شباب

وفين ينفع يعيش بكرا

مدام بكرا سراب في سراب

بكلمه اخرنا نتكلم

ولو ضاقت نقوم نشتم

ولو تفهم تعيش مصدوم

وجواك المرار تكتم

بنلف في دايره مقفوله

بكلمة حق مكتومه

وضحكه ضعيفه مصنوعه

عشان نقدر نعدي اليوم

عشمنا في بكرا نتغير

ولا نشوفه بعين محروم

فانوس العدل لو نور

باذن الله مفيش مظلوم

................................................

عصام دويدار