إحساس الوداع :: بقلم الشاعر المبدع أ / حسام عمارة

إحساس الوداع 
صعب إحساس الوداع 
وداع قلب حس بضياع 
ليه قلبك فى لحظه باع 
حب عمرى كله ليكى 
شوفت فرحة عنيكى
أمل حياتى بين ايديكى
الوداع كان ثوانى
ملهوش رجوع تانى
قلبك كان انانى
رافض حبى الحقيقى
شوك بيجرحنى فى طريقى
تعبت قلت احكي لصديقى
كلام فى حلقى ايه يطلعه
عن حب قررت اودعه
إحساس جوه قلبى ولعه
بنار شوقى وحنينى
لقلب دايما ناسينى
بودع حب باين فى عينى
بعد الوداع بيقول ظلمنى
هو ناسى انه باعنى
بقسوة عينيه ودعنى
كنت ليه ظهر ساند
قلبه جامد فى حبه جاحد
ويا قلبى ليه يعاند
عرفت ان الوداع صعب
بيولد خوف ورعب
من جرح قاسى جوه قلب
هو ده احساسى بالوداع
حد يقولى هو ليه باع
يا ناس قلبى حس بضياع
بقلم حسام عماره