حضنك يا بلدى ..... بقلم الشاعرة المبدعة / عـزة وهـيــب

حضنك يا بلدى .....
لما تدبل وردتى ...فوق الغصون وبين اوراق الشجر 
والمس بايدى دمعتى ..الاقيها ع الارض حصاوى حجر 
واستنى حضنك يا امى يضمنى 
رغم ان حضنك يا بلدى مأوى لكل البشر 
اضمك بقلب خايف م الزمن 
واشكى اوجاعى 
الاقى قلبك بيأن شجن
مش هاين علية وداعى 
خدينى با بلدى من جوة الخوف 
دارى بضمتك كل نقطة دم حنينا بيها الكفوف 
يا اغلى ضمة محتاجها قلبى 
فى بستان دنيتى 
اللى اتحرمت فيها ورودى من شهدى 
يحميكِ ويصونك ليا ربى 
يا ضمة مليانة وجع مكتوم 
وآنة قلبك حزينة 
لو بإيدى كنت خففت الهموم 
وبعدت عن جذورك سن السكينة 
يا بلد حزينة حزينة 
بقلمى عزة وهيب