أخاف أقول الكلمة ::: بقلم الشاعر المبدع أ / محمد أبو المعاطي

محمد أبوالمعاطى

أخاف أقول الكلمة


.......................


أخاف أقول الكلمة


أخاف تطلع تكون تلمة


كلمة بحبك يا ناس

نفسى اقولها بإحساس

من غير شعر و لا جناس

نفسى مرة فى إحساس

هى كلمة بحبك سهلة

و لا مين هى اللى مستهلة

اقولها لواحدة مش سألة

و لا اقولها لواحدة مش سهلة

و لا اقولها لواحدة و السلام

تسمعها منى و تروح تنام

و لا اقولها لليمام و لا اقولها للحمام

و لا اشطبها من الكلام

نفسى مرة تكون تمام

يا ناس الدنيا ضاقت بقلبى

و مش لاقى يا ناس حد جنبى

و مش عارف الذنب ذنبى

و لا لسه يا ناس ما لقيت حبايبى

نفسى اقول الكلمة فى محلها

قولولى يا ناس ايه حلها

و كل واحدة عايزاك تقولها

من غير ما تجيلك و لا نروحلها

عايزاك تفضل تقول بحبك بحبك و تشرحلها

و العمر بيك يطول و هى قاعدة جنب أهلها

بالذمة دا حب يا ناس

طب هو فين الاساس

بالذمة دا حب يا ناس

و هنجيب منين الإحساس

بالذمة دا حب يا ناس

و لا شيطان و لا وسواس

و لا ضحك ع الناس

و لا نوع جديد من الإحساس

من غير مواعيد و لا احساس

كلمة إحساس يعنى أحسك

يعنى الدنيا حلوة بحسك

يعنى أحلى غنوة أمسك

و لا انتى عايزه الشيطان يمسك

و لا انتى عندك إحساس لا إرادى

ان انا كده بيكى راضى

لا و الله يا قاضى

ما يعمل كده غير فاضى

و انا فى طريق الحب ماضى

طريق الحب الحقيقى و راضى

............................................

محمد أبو المعاطى المحامى