لا انا بنا ولا ... شعر أ / ابراهيم بدر

لا انا بنا ولا... مناول

ولا شغال ولا عاطل

ولا للنخيل.. طايل

بكون تايه وانا قابل

أنا ببكي على حالي 

وحالي أصله يتمايل

وبضرب الهوا دوكو

ويبكي اقوله تستاهل

أنا أصلي منيش ساهل

وبغزل م الأمل توبي

وكله ليا ....بيجامل

أبصبص بس للقمرة

وبنده على عيون بكرة

وشايف بكرة ف امبارح

وليه دايما بكون سارح

أنا سارح ف الملكوت

وفكري بالهوى طارح

أقول..... الآه !!!

يرد يقولي تستاهل

ابراهيم بدر عبدالله