دموع العين $$ بقلم الشاعر المبدع أ / رصــا حـسـبـــو
دموع العين
بتريحنا دموع العين وليها ساكتين مانتكلم
مليانة ااااهات ياناس ومعاها كنا بنتالم
ومن درس لدرس ياعالم
وياريتنا منة نتعلم
دموعك دى غالية عليا
ماهوانت اللى فاضل ليا
بتريحنا دموع العين ولا بنعرف وخدانا لفين
دموع مرة ومش حلوة ولو نزلت على السطر تقوم
تكتب احلا غنوة
دموع فرح دموع احزان نقوم نبكى كمان وكمان
واحيانا تكون بركان أو زلزال يهد كيان
دموع طفل اتولد واتحرم من امة
دموع ام فرحانه وتلبس بنتها الطرحة
دموع طالب ناجح ويبكى من شدة الفرحة
دموع ابن الشوارع نايم على الرصيف
فى برد الشتا و عز الصيف ومشلاقى حد يلمة
بتريحنا دموع العين
ولا نعرف وخدانا على فين
المشاركات
0 التعليقات:
إرسال تعليق