لو لونا الاسمر $$ بقلم الشاعر المبدع والمتميز أ / سيد محمد

لو لونا الاسمر مايكونش
لون الايام ، 
و قلوبنا الخضره
ما توهش وسط الاحلام ، 
لو وسط العتمه 
نشوف بكره 
من غير اوهام ،
لو غير الكره 
مانكرهش 
لو غير الحب 
مانعرفش 
لو من اخطائنا بنتعلم 
لو من ضمايرنا هنتكلم 
ما كنتش الدنيا بقت غابه 
ودموع والام ، 
لو نصدق بس منكدبش 
لو نوعد بس منخلفش 
لو كل الدنيا بقت جنه 
والارض ترابها يكون حنه 
ما كنتش حياتنا بقت غربه 
وهموم تتلام 
لو نعشق بس 
مانبعدش 
لو نبعد بس 
مانجرحش 
لو نعدل بس 
منظلمش 
هتخضر قلوبنا وايامنا 
ونعيش بسلام 
لو لونا الاسمر مايكونش
لون الايام 
و قلوبنا الخضره ماتوهش 
وسط الاحلام 
لو وسط العتمه 
نشوف بكره 
من غير اوهام
واللون الاسمر مايكونش 
لون الايام