إعمل خير ::: بقلم الشاعر المتميز والمبدع / عمرو كندوز

إعمل خير  

...
ساعد غيرك وإعمل خير
صَحيِ وفَوَق كل ضمير
وأوعى تقولي عملنا كتير
لسا أملنا في بكره كبير
خلي في قلبك حبة رحمه
ساعد ناس تاهت في الزحمه
نفسها تفرح يوم أو مـره
بس الفرحه مهيآش سامحه
بينا نبدأ في التغير
وإن مقدرنآش ع التعبير
يبقى كفاية علينا القُدره
على التفكير
في زرع قلوبنا
بلون الخُضره
حاول مره تِعمل خير
لما نصَحي مره ضميرنا
لو فعلاً طـالبين تغير
يبقى نفوُق ونحس بغيرنا
ساعد غيرك وإعمل خير
صَحيِ وفَوَق كل ضمير
وأوعى تقولي عملنا كتير
لسا أملنا في بكره كبير
....
بقلمي \عمرو كندوز