بترجاكِ..... بقلم الشاعرة المبدعة أ / عزة وهيب

بترجاكِ.....
ـــــــــــــــــــــــــــ
بترجاكِ بكل صيغة رجاء
تزورينى فى احلامى
تطمنينى عليكى
احكى معاكى
عذابى فى حرمانى
واد اية واجعنى الفراق
بترجاكى بكل صيغة رجاء
المس كفك فى منامى
اضم فية وجع السنين
واكلم عنيكى واشوف معاهم
افراحنا اللى منها محرومين
واخفف شوية من الاشتياق
بترجاكى بكل صيغة رجاء
اكتبى اسمى زى ما عودتينى زمان
جنب اسمك وعلية خطين فرح وامان
ومنقوش بينهم عود فل
وبستان ريحان
بس هى فين دى
وانا بينى وبين الامان سباق
بترجاكى بكل صيغة رجاء
تزورينى ارمى همومى فى طيفك
اكون مرة بين احضانك ضيفك
بس اهون شوية عليا
وجع البعد وحنينى للحظة لقاء
بترجاكى بكل صيغة رجاء
عزة وهيب