المصري..... بقلم الشاعر / عصام دويدار

........المصري...........


انا شرقاوي من أسوان 


عرباوي الاصل من سينا 


دمي الحامي إبن سوهاج 


قناوي المرسى والمينا 

إسمعلاوي من بحري

في السلوم سكن قلبي

إسكندراني تلقاني

منوفي الطبع شرقاوي

ولما تروح علي قليوب

تلاقي فيها عنواني

ولو دمياطي أنا موجود

بحيري أرضي ومكاني

من المنيا عروس النيل

بني سويفي وفيومي

من الاقصر يعدي الليل

تنور شمسي أسيوطي

واحاتي الداخله والخارجه

دقهلاوي وجيزاوي

بورسعيدي وسويسي

جيران وأهل وحبايب

تمر حدودي مع السودان

حلايبي يا مصر شيلاتيني

أنا النوبي اللي عمره ما خان

مهما يا مصر تنسيني

قهراوي مصر عنواني

في كل مدينه تلقاني

أفديها بروحي وحياتي

عشان مصري ودا مكاني

.......................................

عصام دويدار